1 पुशो मी केयो, एय याकुबान मुखी, एय इस्राएलान गेराणान न्यायनिवाड़ो केरनारे हुमलो; न्यायनिवाड़ान लिकायेल वातु जाणने तुमरो काम नाह सोतो? 2 तुमू ते बोलायीह दुसमोनी, एने बुरायीह मोंग केरतेह, सोमजो तुमू माणहा पोर रेन तान खाल, एने तान आड़ा पोर रेन तान माह लोस लेतेह; 3 ओलोच नाह पुण तुमू मारा माणहान माह बी खाय लेतेह; तुमू तान आड़े तोपल्या माय चुड़ावणेन केरता चुरा चुरा केरतेह। 4 ता दुख ने टेम माय बोगवानान विन्ता केरती, पुण तो तान नाय होमली, तो तान खाराब कामान केरता तान उगे रेन मुय वाल लेय।

5 बोगवानान ज्य वचन हे काय जा जाणकारे मारी पोरजाह बोटकाड़ देतेह, एने जुलबुखे ताह खाणेन जुड़ेह तुलबूखे सान्ती हे केरीन केतेह, एने केदी एगदो तान मुयाम काय नाय आपी ते तान विरूद लेड़ाय केरनेन केरता तियार एय जातेह। 6 केरीन तुमू पोर ओहली रात आवी, काय तुमूह देरसेन नाय जुड़ी, एने तुमू ओहला आंदारा माय पुड़हो काय जाणाव नाय केर सिकहो, जाणकारान केरता दिह बुड़ जाय, एने दिह्याच ता पोर आंदारो सावाय जाय। 7 देरसेन देखणारे लाजवाय जाती, एने जाणकारी हासील केरनारान मुय काला एय जाती; एने ता आखान आखा तान मुयाह ज्यान केरता डापती काय बोगवानान उगे रेन ताह काय जापाप नाह जुड़ेत।

8 पुण मी ते बोगवानान जीवा केरीन सेक्ती एने नियाव माय बोराय जायेल हे, मी याकुबाह तान गुनो एने इस्राएलाह तान पाप एर केराव सेकुह। 9 एय याकुबान गेराणान मुखी, एय इस्राएलान गेराणान न्यायनिवाड़ो केरनारे, एय न्यायनिवाड़ा पोर दुसमोनी केरनारे एने सोब हुतरी वातुह उलटी सुलटी केरनारे, ज्यी वात हुमलो। 10 तुमू सियोन हेयराह, खुन केरीन एने यरूशलेमाह खाराब कामे केरीन वातड़ो केरतेह। 11 तान मुखी पोयशा लेन विचार केरतेह, एने चाकऱ्या किमोत लेन नेम हिकाड़तेह, एने जाणकारे पोयशान केरता जाणाव केरतेह, तीबी ता इही केन बोगवाना पोर बुरहो मेलतेह, यहोवा आपणी विचीम हे केरीन काल्ली पिड़ा आपु पोर नाय आवी।

12 ✝ज्यान केरता तुमरी कारेण सियोन एल जुपील खेतान गेत बाणावाय जाय, एने यरूशलेम डेफा डेफा एय जाय, एने जा बोयड़ा पोर गेर बुणेल हे, तो जेंगलान उचाला जागान गेत बोण जाय।