1 Mukanda uakuhuma kuli mukuluntu ua cikungulukilo,

Kuli mpuevo uakuhangula na vana vendi, uje injazanga mu vusunga, keti lika yange vuno honi na vaje voshe vazivuka vusunga, 2 muomu ya vusunga vuje vuakala muli yetu naua vukakala muli yetu miaka yoshe.

3 Kavumbi na cikeketima, na ciyulo vije vihuma kuli Njambi Tatetu na kuli Yesu Kilistu Muana ua Tatetu vikakala netu mu vusunga na mu cizango.

4 Njavuahelele cikuma muomu mukuuana nguavo vamo vana vove vali nakukava vusunga, kuya ngue muje muanatushiki Tate. 5 Kaha honi njikulambelela mpuevo, keti ngue njinakusonekela lishiko lia liha vuno honi lije vene tuli nalio lije liahuma hambangelo, ngualio tulizange umo na mukuavo. 6 Kaha eci cikeco cizango, linga tukavangeye mashiko endi, eli likelio lije lishiko, ngue muje munevuila hume hambangelo, nguavo kavangeya cizango.

7 Muomu vaka makuli vavengi vanayi ha mavu oshe, vantu vaje kuvakazivuka kuija ca Yesu Kilistu mu vuntu, muntu uangacije ikeye muka makuli naua citozi ua Kilistu. 8 Nangukeni linga keti mukahonoue vije vimunapangela vuno honi mukanganiale nganio yakushula.

9 Uoshe uje aya kulutue kaha kaniungu luvula lua Kilistu kesi na Njambi, uoshe uje aniunga luvula ikeye alinavo voshe Ishe na Muana. 10 Nga kukakala umo akeja kuli yove kaha keja na luvula olu, keti umutambule mu njivo yove cipue kumusambelela, 11 muomu uoshe uje amusambelela valipangela vipangi viendi via vipi.

12 Cipue vene njilina viavingi viakumisonekela, vuno honi kunjasa kulikuasesa lipapelo na tinta, vuno honi njatsiliela kuija nakumimona nakusimutuiya neni mesho na mesho, linga nzolela yetu ikapuemo.

13 Vana vamuanoko uampuevo uakuhangula vanakumeneka.