1 Pedro 3

बेनू माअहोंअ कोअता

1 ✝ 3:1 इफिस 5:22; कलस्से 3:18 तेहेंज कोइत, बोईं, तुमू सोताआ माट्योअ ताबाम रोवा; याअ कोअते के, तियांमेएं जर एखु ओमे जाआं देवोअ वसनोपोअ विश्वास ने कोअतोय, 2 ताहां तों वसनोअ परमाणे तुमाआं सोकु सोभाव देखीत देवोपोअ विश्वास मिकीत सेकेहे. 3 ✝3:3 1 तिम 2:9तुमाआं होबा सिंग्याअ पातार गुथीइलो, होना सांदीइ गोवणो पोवीइलोअ, आन भारी भारी आंगड़े पोवीइलोअ एहलुहू उपरसोल्यू देखावू ने जोवे. 4 पोन तुमाआं मोनोम दोड़पाअला मोनवी सोभावोम मोन्ज्ये देवोअ नजरेमेहें जास्ती महत्वाआ एहला हानाला आन शांत आत्माआं अमर गोवणावाईं होबात रोअहूं जोवे. 5 काहाके एहेंज कोइत जुना वाडोमेहें देवोपोअ आशा मिकनारी सोकी बोईं बी, जिवजिवोअ माट्योअ ताबाम रोत कोइत सोताआ होबाय कोअतीते. 6 ✝3:6 उत्प 18:12जेहलीही सारा अब्राहामोहो मालिख समजीत तियाआ गोठ मानित साल्यी. तेहेंज कोइत तुमू बी हाजे कामे कोअती रोहा आन कोड्लीज गोठीही ने बिहा, ताहां तुमू बी तियीइ बेटीह्ही गोणाअहा.