Colossenses 3

12 तियाहा कोत तुमू जें देवोअ निवड़ीइल्याअ होस, पवित्र आन मेराले माहें होय, तुमू वोडी माया, आन हाजली गोठी, आन हानालाय, आन सहनसेक्ती याहां पोवित ल्या. 13 जर कोडाहा एखापोअ आरोप लागाड़ुहूं जोगिही काविहीं गोठ ओय, तेबी एकमेकाहा वेंडारीत ल्या, आन एकमेकाआ सुकी माफ कोइ द्या, जेहें कोइत देवे तुमुहूं माफ कोअयेहे तेहेंज कोइत तुमू बी माफ कोआ.✝3:13 इफिस 4:32 14 यां रोत बी जाअखो मेर ओं एक एहेलोह बंधन होय, जों आपुहूं पाक्के बोणावेहे याहा पोवित ल्या. 15 ख्रिस्ताआ होक तुमाआं मोनोम राज कोअहूं जोवे, जियाअ कोअते तुमुहूं देवे एकठेज हाद्येहे; आन तुमू आभार मानते रोवा.