दानियेल सिहांआ दोराम
1 दारा राजाहा ओं हाजो गोम्यो के तियाआ राज्यापोअ एक होवेन विही एहेलाहा आधिकारी ठरव्या, जे पुरा राज्यापोअ आधिकार मिके. 2 आन तियांपोअ तिये तिन आदक्श, जियांमेहें दानियेल बी एक ओतु, तो याअ काजे ठरवाअयु के ते तियां आधिकार्योअ इसाब मिक्या कोए, आन एहें कोइत राजाअ किज नुकसान ने ओवुहूं जोवे. 3 जेहेलाम ओं पाल्यो के दानियेलोमेहें हाजाम हाजी आत्मा रोहे, ताहां तियाहा तियां मुख्याआ, आन आधिकार्योअ रोत वादार मानपान जोड़्यू; एतोज नाहां पोन पुरो राज्य तियाहा होपी देअलोअ राजाआ मोन ओतो.