ख्रिस्ताआ शरीरोमेहें एकी
1 तियाहा काजे आंय जो देवोअ सेवा कोअत्लू कोत जेलेम होय, तो तुमुहूं विनंती कोअहो: देवे तुमुहूं हाद्येहे तांहा तुमू तियाहा पोटे एहलोहो जिवन जिवा. 2 4:2 कलस्से 3:12-13 कायम नम्र, हानाले रोवा, आन धिर तोइत रोवा, आन मेरेमेहें एकमेकाहा वेंडारीत ल्या. 3 आत्माआं एकी मिकीइलाआ कोअते ओवे तेती मेहेंनत कोआ. शांतीमेहें एकमेकाअरी जुड़ात रोवा. 4 जेहलेहे तुमुहूं बी एकुज आशाम भागीदार ओवे तेहें काजे हाद्येहे तेहेंज कोइत एक शरीर आन एकुज आत्मा होय. 5 एकुज प्रभु, एकुज विश्वास, एकुज बाप्तिस्मा4:5 बाप्तिस्मा पांअयोंम बुडाड़ीत बाअथे काडीइलोअ रिती; 6 आखाआ एकुज देव आब्हू होय, जो आखाप रोत उसे, आखाआ विसमेहें आन आखाम रोत कोइत काम कोअहे.
7 पोन आपामेहें हारेक जोओंहों ख्रिस्ताआ दानोअ मापोअ पुरमाणे मेरवानी जोड़्यीही. 8 तियाहा काजे वसन एहें कोहे:
"जेहलामेहें तो आखाम रोत उसे गोयू,
आन तो वारुज जेलाऱ्याहां सोताअरी लेत गोयू,
आन तिये माअहुंहूं वरदान आप्यो."
9 ओमे, "तो उसे गोयू," याअ अर्थ कि? याअ अर्थ ओं के तो पेल तियी कोली धरतीइ आखाम रोत निसर्याआ जागामेहें उतर्यू.4:9 इब्री 2:9; योहान 3:13 10 आन जो निसे उतर्यू तोज उसे जुगोम गोयू, आन तिया रोत बी उसे गोयुहू, जिहीं वाईं तो आखी गोठी पुरी कोइत सेके. 11 दान आपनारु तोज होय, आन तिये थोड़ाक जोओंहों प्रेशित कोत निवड़्याहा, आन थोड़ाक जोओंहों भविश्यवक्ता कोत, आन थोड़ाक जोओंहों सुवार्ता कोत आपनारा, आन थोड़ाक जोओंहों सेवक आन मास्तर कोत निवड़्याहा. 12 जिहीं वाअहीं देवोअ माअहें तियार ओत सेके आन सेवाआ काम कोअहूं जोवे आन ख्रिस्ताआ शरीर आत्माम वादतो जाअहूं जोवे.