Kwetu swie kwekaa ni Klistu
12 Naho wandugu zangu, nakunda mmanye kua mbui zia zikunibuiazo kwa kwei yaniambiiza muno kuigosoa Mbui Yedi iyambazike. 13 Kulawana na hayo, wagoji wose wa nyumba ya seuta hamwe na watuhu wose wanamanya kuwa niaho mwe kifungo kwaviya miye namgosoeya mndima Klistu. 14 Namanya kuwa kuikwa kwangu uku mwe kifungo kuwatenda wazumiiya wezwetu wangi wagewe moyo na Zumbe Yesu kwaiyo wapata untintimavu muno wa kuwabiikia wantu Mbui Yedi ya Muungu kwesiho maatu.