आपोस का़मि 18

कोरिन्‌थिरे पावल

1 ओनाको तायोम उनि दो आथेंस खोन ओडोक चालावेनते कोरिन्‌थि रेये सेटेरेना। 2 आर आ़कविला़ ञुतुमान मित्‌टेन जिहुदिये ञाम केदेया, जानामते पोनतुसरेन होड़गे, ओने उनि सोर दिनगे आच् ओड़ाक् होड़ प्रिसकिला़ साँवते इटा़लिया़ खोने हेच् आकान ताहेंकान, एनते कलोउडियोसे हुकुमाकात्‌ ताहेंकाना, सानाम जिहुदिको रोम खोनको ओडोक चालाक्आ मेनते। 3 आर उनकिन ठेने चालावेना, आर मित् लेकानाक्‌गे का़मि ताहेंकानताकोते उनकिन ठेने ताहेंयेना, आरको का़मिकान ताहेंकाना, एनते ता़मबु बेक्‌नावकोको ताहेंकाना।