12 मेनखान गा़लियो दो आखायारेन चाक्लाविच्ए ताहेंकान जोखेच्, जिहुदिको दो मित् जोमकावते पावल उपा़रतेको तेङगोयेना, आर बिक्चा़र दुड़ुप्आक् सामाङरे इदिकेदेतेको मेनकेदा। 13 नुय होड़ दो आ़न रेयाक् धारा खोन उलटा़ इसोर सेवावाय ला़गित् होड़कोय आ़ंडिच्एत्कोवा।
14 खान पावले रोरोड़ ला़गिदोक् कान ताहेंकानरे गा़लियो दो जिहुदिकोय मेतात्कोवा, ए जिहुदिको, नोवा दो जाहान बेहोकाक् से दुसटा़मियाक् बा़ड़िच् ताहेन खान, जा़रुड़गेञ आँजोमकेतापेया होनाङ। 15 मेनखान काथा रेयाक् आर ञुतुमको आर आपेयाक् आ़न रेयाक् रेटेपेटे कान खान एनडे खान आपेतेगे ञेलजोङपे ओनकानाक्को रेयाङ बिक्चा़रिच् होयोक् ला़गित्, इञ दो मोन बा़नुक्तिञा 16 आदो बिक्चा़र दुड़ुप्आक् ठेन खोने लागा ञिरकेत्कोवा। 17 खानगे ओनको सानामको दो सुना़गोगरेन मुखिया़ सोसथेनेस साप्काते बिक्चा़र दुड़ुप्आक् सामाङरेको दाल केदेया। आर गा़लियो दो ओनाको चेत् हों बाय मेंत् लुतुरादा।