14 मेनखान पातरास दो ओनको गेलमित्‌को साँवते तेङगोयेनते आँट आड़ाङतेये गालमारावात्‌कोवा, मेनकेदाय, ए आपे जिहुदा़रेन होड़को आर जेरुसालेमरेपे ताहेनकान जोतोको नोवा बाडायजोङपे आर इञाक् काथाको लुतुरातिञपे। 15 आपेपे बुजहा़वेत् लेका नोको होड़ दो बाको बुल आकाना, एनते बासकेयाक् बेर कानगे चोङ। 16 मेनखान नोवा दो जोएल ना़बि होतेते रोड़लेनाक् काथा काना।

17 आर मुचा़त् दिनकोरे नोनका होयोक्आ, इसोरे मेनेदा,

इञरेन जिउ रेयाक्‌ मानवा जा़तरेन जोतोकोञ दुलाकोवा,

आर आपेरेन होपोनको आर आपेरेन होपोनेराकोको ना़बिया

आर आपेरेन जुवा़न कोड़ाको दो दोरसोनको ञेला,

आर आपेरेन मुरुबिको दो कुकमुको ञेला।✝2:17 जोए २:२८-३२