22 ए आपे इसराएल होड़को, नोवाको काथा आँजोमपे, नासारेतरेन जिसु, मित्‌टेन होड़ होतेते सा़बुत ओचोवाकान, दाड़ेयानाक् का़मिको आर हाहाड़ावाक्‌को आर चिनहा़कोते, ओने ओकाको इसोर दो उनि होतेते आपे तालारेये का़मिलेत्, आपे होंपे बाडायकान लेका। 23 नुय होड़ दो इसोराक् निटाक् मेनजोङ आर उनियाक् बाडाय दारामते, आपेयाक् तिरेये सोपरोत ओचोयेना आर आपे दो आ़न बाहरेरेन होड़को होतेते उनिपे कुरुस ओचोकेदेया आरपे गोच्‌केदेया।✝2:23 माथ २७:३५; मा़र १५:२४; लु २३:३३; जोहा १९:१८ 24 मेनखान इसोर दो उनिये बेरेत्‌केदेया, मोरोन रेयाक्‌ बेदोन खोन खालासकाते, एनते बाङ होय दाड़ेयाक्आ उनि ओनातेये का़इदा़उ दोहोकोक् दो।✝2:24 माथ २८:५,६; मा़र १६:६; लु २४:५