35 इञ दो सानामाक्‌रेञ का़मि उदुक्आत्‌पेया, ओनका मेहनोतकाते निजोरको गोड़ोंवाको लेक ताबोना मेनते, आर जेमोन प्रोभु जिसुवाक् काथाबो दिसा़य चेत् लेका आच्‌गेये मेनकेत्, "बिचकोम हाक्‌ताव खोन एमोक्‌गे भागेया।"

36 आदो ओनाकोय रोड़केत् खान इखड़ुमेनते ओनको सानामको साँवतेये कोयकेदा। 37 आर सानामकोगे हुँक हुँकको राक्‌केदा आर पावल कोकेकेदेतेको चोक्‌ चोक्आदेया। 38 ढेरकायते दो ओना काथा इया़तेको भाबनायेनते ओनेये मेनलेत्, बाङमा इञाक् मेंत्‌हाँ आर दो बापे ञेला। आदो जाहाज हा़बिच् को इदि गोत्‌कादेया।