18 ता लोब्टुतेबे लाक्पा भोरितुइना पवित्र आत्मा खुयिन्दु नाइरे थोङदे सिमोनयि जु नेनराङ हतिबाला आलाइ तेराला छेलसोङ, 19 "ङाला याङ धि शक्ति नाङ, राङ काङ काङला लाक्पा पोर छारते च्येला हति पवित्र आत्मा खुहोङ।"
20 हिन्नाङ पत्रुसयि नाइसोङ, "ख्युइ आलाइ ख्योए ङ्याबो मासि सह, चिचालानाना कजसुबायि वरदान आलाइयि ङ्यो ङ्युइकिन नाइरे ख्युइ विचार क्यइदु। 21 धि भारेला न त ख्युइ भाग होतो न हिस्सा होतो, चिचालानाना कजसुबायि धुनला ख्युइ सम थारका मिधु।8:21 भजनसंग्रह ७८:३७ 22 हतिचाला ख्युइ अलयि चाला घ्योप्पा कि तेहि प्रभुला मोनलाम क्योप, राङ हा:लाम ख्युइ समयि धि च्वरा विचार माप होङ। 23 चिचालानाना ङा थोङिन्दु, ख्योए खाडेयि खाँखाँबा धु, तेहि तिक्पायि लाला धु।" 24 तेहि सिमोनयि नाइसोङ, "खिरि राङ ङाहि चाला प्रभुला मोनलाम क्योप, राङ क्युइ नानाइबि ताम च्याङ ङाहि थोला मायोङ।"
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)