Marcos 10

4 फरिसीराई हैयावारो, "टोबो कागतटं भरपाई सर्डे ज्यारि भासिने टाये वार्डे मोसाये आग्या याडेनोयो।"

5 होकाम येसुये नोरंलाई हैओडोवरं, "जेलाई पैने बनै ढौ ओटावये मोसाये नो न्याम सर्डे ओयाच्योव। 6 सास्त्रटं सर्सिव ले, ‘सङसार ओटावकामज़ परमेस्वरये नोनिलाई खेपा सोनो मेमा ओझोयोनि ची।’ 7 हैजैडेज़ खेपा मीये ओबाबु वामालाई राःडे ओज्यासं मिलिडे ओलेकं, 8 होकाम नो ज्यारि टोबो ज्यु टाने लेनि। नो ज्यारिनि नेम्लो माङ्क, बुरु टोबो ज्युज़ टाने लेनि। 9 हैजैडे परमेस्वरये जोलाई ज्यारि झैडे नोयोरं, मीराई होरंलाई टाछुटैरंकं।"