Marcos 4

37 यानाज़्याकं बनै घ्योव घुइरं राडे डोङ्गालाई रीःलं पल्टैने ओपानो रीःलो ओछल्का डोङ्गालं पसिडे डोङ्गालाई बुडैने ओपानो। 38 होबेलाकं येसु डोङ्गाटं उझिन्ङ उगुम झैडे ऐस्याडे ङःल्डे उलिज़्याव। उसिसराई येसुलाई सोचैडे हैयाडोव "गुरबा गे के बुडिडे गिसिरिडुखे वार्ने नङलाई चिन्ता माले?"

39 येसु सनसिडे च्याङसिडे घुइरंलाई हक्लैडे रीःलाई पनि "चिम लेन! गाइगुइटालेङन" वार्डे आग्या ओयोव। होकाम बतासं ओठकंनिव, रीः पनि ओअडिव। होकाम स्यान्टै च्याम-चिम ओटाव। 40 येसुये नोरंलाई हैओडोवरं "जे कडाने जेछेज़्याव? जेसं बिस्वासज़ उम्लिज़्यावरो?"

41 नोरं बनै छेडे या याज़ हैयावारो, आव मी काङ्का? घुइरंये सोनो रीःलो ओछल्काये पनि ओपाङची ठैज़्यारं।