मर्कुस 6

22 नो बेलाकंज़ हेरोडियासलो मेमाओज़ा नो भोज ज़्यानेराई लेवकं नाडे ओस्याःव। स्याःडे स्यान्टैरंलाई खुसि ओझोयोरं, राजा हेरोड सोनो ओपाहुनारं बनै खुसि याटाव। होकाम राजाये नो लुज़ालाई हैओडोव, "नङ नइछ्या कडि लिज़्या हो गनिःके होकाम ङा होज़ ङायान।" 23 "नङलाई टभा ङाराज्ये टानि ङायान" वार्डे कबंल पनि ओडोव।

24 होकाम नो लुज़ा वामा लेवकं नाडे "ङा कडि ङानिःके आमा?" वार्डे हैओडोव। वामाये "नो बप्तिस्मा झैने युहन्नालो ओङैः नीः" वार्डे हैओडोव।

25 नो लुज़ा चानोज़ राजा लेवकं नाडे ङालाई नो बप्तिस्मा झैने युहन्नालो ओङैः टाठीलं झाडे याङ वार्डे हैओडोव।

26 नो लुज़ालो ओपाङ ठैडे राजालो उयुङ माचाव ओटाव, ओपाहुनाराई याङाःकं कबंल ओयोवये नो लुज़ालो ओपाङ ओठोयो। 27 हैजैडे राजाये उसिफाइँरंलाम टोबोलाई खुल्डे झ्यालला लिज़्याव बप्तिस्मा याने युहन्नालो ओङैः रै वार्डे हैओडोव, नो झ्यालखानालं नाडे युहन्नालो ओङैः पल्डे, 28 टाठीलं झाडे नो लुज़ालाई रैडे ओयोव नो लुज़ाये फरि वामालाई लाङडे ओयोव।