मर्कुस 7

11 कोइ मीये ओबाबु वामालाई जिन ङालेवङाम डैने फाइडा स्यान्टै परमेस्वरलाई चरैःसिव ची ले वार्डे हैयावार भने, 12 जे नो मीलाई ओबाबुनि वामानि कडि नेसेवाज़ डोव जेमयोये। 13 हैजैडे जे जेसाखा जेपुर्खाकाम्टा चलिडे राज़्याव चलनलाई मानिडे परमेस्वरलो ओपाङलाई फालिम जेजैज़्या। एटानाव उरु भ्या येःनरं जेडोज़्या।"

14 येसुये माहुले मीरंलाई फरि ओल लेवकं खुल्डे नोरंलाई ऐ ओडोवरं, "जे स्यान्टैये ङारोः ठैच्यो होकाम चावसं बुझिच्यो। 15 एटानाव कडि रोःज़ माले जो पाखाङाम मीलो उज्युङलं पसिडे मीलाई बलेने, मीलो युङलाम पाखाडे पुलुज़्याव रोःराई ची मीलाई माचाव झैरंये।