Marcos 8

बेठसेडाला अन्डला मी ओसोमो

22 होकाम येसु बेठसेडालं ओराव। मीरं टोबो अन्डला मीलाई येसु लेवकं रैडे, नो मीलाई येसुये गुछुड्यासिवकं वार्डे बिन्ती याडोव। 23 येसुये हो मीलाई उकुइटाम चेङडे नाङखारलाम टङकं ओरोयो, होकाम उमिलङटं ट्युल्डे ओक्याङटं उकुइ नैडे होलाई ओपजोयो, "नङ कडिरं नमरःङज़्या?"

24 होकाम हो मीये याडे रःङडे हैओवारो, "ङा मीरंलाई सिङरं स्याव याबारिज़्याव ङारःङज़्या।"

25 होकाम येसुये फरि हो मीलो उमिलङटं उकुइये उछुकं, हो मीलो उमिलङ ओफैसिव होकाम स्यान्जाति चावसं रःङने ओटाव। 26 येसुये होलाई नाङखारलं मापसिडे उज़ीःमडे उपरिःङो।