1 Izhineba bliblik aner abɛ Galantiya! Ŋɔwa ne tsar zhin ten? Ne ayi amin Yesɔ Kristi ne ru abɛm ndende ndi nɛ kpaŋu nǝ kuŋkun kɛ gen. 2 Ndi M tei wɔb tem zhi ki zhin ben zhineba: Izhin ne ta Izhu tsetser yɛ Arik nǝ cɛr yi Musa, ka nǝ tanyɛmɛ nǝ ki ndi izhin ne wɔi nii? 3 Izhin yi abliblik kikinǝ? Ndi zhin nǝka kuti tanyɛmɛ ne Izhu tsetser yɛ Arik; fena ne klɛtu izhin tena di zhin nǝk atu nǝ na ye neshir i? 4 Tǝ zhin ne yik iya yi sha ndi tei yi amɛ izhin ne te iya iyi shai? 5 kɔka Arik anǝk zhin Izhu maa bǝn ndum vuŋ anu ne miŋ min te zhin ŋub cɛr yi Musa, ka te izhin tanyɛmɛ ne ki ndi zhin ne wɔi netu yi Kristi ni?

6 Tɔ zhin Ibrai: <<Nɛ tanyɛmɛ bǝn Arik, te Arik ne lǝk Ibrai tɛ duŋu ayi ner tsetser.>> 7 Izhin bǝ zhi, te abaŋ ndi ne tanyɛmɛ ben Arik aye amumun Ibrai. 8 Ilɛ kɛ Arik ne di te Arik atei na abaŋ ndi ba yi ŋli kǝ Yahudawa ba azhɔgɔ anenen nɛ tanyɛmɛ, tena bla Ibrai lɛ didik kɛ ti: <<Ntun bɔbɔk atei ta anu adidik ne aŋɔk amaa.>> 9 Fe abaŋ ndi nɛ tanyɛmɛ nɛ asusun anyɛ te ta anu adidik bǝn Ibrai, iner tsetser.

10 Bɔbɔk abaŋ ndi ne ŋub cɛr yi Musa ayi ne angus akɛ itenu amimin, tǝ nɛ cɛr nǝ ilɛ kɛ Arik tedi: <<Itenu mimin iyi netu ayi waŋ ndi ba na kiki yiŋ ndi ne cɛrǝ ne cɛr yi Musa ba.>> 11 Imen yi ndende te nuŋ ba yi tsetser ne ti kɛ Arik netu cɛr yi Musa ba, fǝna,<<Inǝ tsǝntsǝn didik atei yi tsetser nǝ tanyɛmɛ.>> 12 Icɛr yi Musa bane zhik nǝ tanyɛmɛ ba, ndi amɛ, <<Ineshir waŋ ndi ana ki yiŋɛ icɛre idi atei lieru neyi>> 13 Ama nǝ kam ta itɛnu nɛ atu amɔr iyi Kristi nɛ ta ta azhɔk ndi icɛr yi Musa nǝ glii nyemɛ; tǝ ilɛ kɛ Arik idi, <<Iwaŋ ndi iwa ne kɔru nǝ tu kuŋkun ayi nɛ angus akǝ tɛnu.>> 14 Kristi ne ta ta zhɔk te duŋ inǝk anu adidik ndi ne nek Ibrai bena nyɛ ben abaŋ ndi ba yi ŋli kǝ Yahudawa ba ne ŋɔk kɛ Kristi Yesɔ, te duŋ ne ta nyɛmɛ mɔr bǝ duŋ ta bǝ ta ikpa nyak yi Izhu Tsetser.

15 Akpa amuŋ, duŋ me mbaŋ rɛ kɔte bɛr tayi nǝ sɔŋ kɛ goŋ mimi. Ir kɛ ndi inuŋ ai kam aŋyak kɔ iner abɛ nyaŋ nǝ kpa nyak iyi neshir ndi neka mǝne kpai anyak, fe ne yeme. 16 Kiki yi men kpa nyaga ne yi ne tu ayi Ibrai ben vǝvǝn ne ŋli amaa. Ilɛ kɛ Arik banǝ di<<iŋli,>> watɔ aner tetɛk, ama<<ŋli,>> watɔ ner zhiin ankyak, azhɔu tǝ, Kristi. 17 Iki ndim blama idi: Icɛr yi Musa, ne bla kǝ ase sɔkwur amɛ nas nǝ sɔk tar ayi nyɛ, Arik bane tun icɛr Musa ma akpa nyak tɛ na mǝne zhik lɛ kɛ kpa nyaga ne kɔnsa ba. 18 Fe ate yi ndi inǝk yɛ Arik nǝ sɔŋ nɛtu cɛr yi Musa, fena ba tei na yi nɛtu ayi kpa nyak maa ba. Ndi amɛ, ane yi nɛtu ayi kpa nyak tǝ duŋ Arik nɛ nǝk Ibrai inǝk yuŋɔ. 19 Tǝ, ayɛ nii, nɛ yi duŋ nkanlɛ yi acɛr Musa mai? Nǝ nyaŋ icɛr nuŋ nǝ tumɔ tǝ abe zhi tǝ aye nii ai lalɛ, tɛna duŋǝ bǝ baŋ mkpaŋ sɛ nǝ nye ilǝla ayou Ibrai, iwaŋ ndi nɛ kpa anyak nɛ atu amaa. Icɛr yi Musa ma ane nǝk abǝ shar ayou Arik neyi, bǝn waŋ ndi ayi nɛ atsutsu nǝ lɛ kǝ bla maa. 20 Fe nǝ kli nɛ atsutsu, ba klɛ gar zhin ba, fena; Arik wa kiki maa ayi zhin.

21 Ate yi cɛr yi Musa ma, fena, ne kyak kiki yi kpa nyak Arik i? Bane te ba! Fe ate yi ndi nɛ nǝk cɛr yi Musa tǝ bɛ zhɔk ta nɛ ankɔŋ anǝ rɛ, ankyak ina ki didik itei nǝk ta nyɛr ne cɛr yi Musa. 22 Ne me ilɛ kɛ Arik ne bla tedi gɔŋmimi iyi ne jaru anǝ lalɛ, te duŋ ki yiŋ ndi nɛ kpai anyak, ne nǝge ne tanyɛmɛ bǝn Yesɔ Kristi, abɛ kana nek abaŋ ndi ne ta nyɛmɛ bǝn abɔu menyi.

23 Kamin itanyɛmɛ yiŋɛ bǝ nyɛ, ilɛ kǝ cɛr yi Musa ne glii ta, ta ne yi ne jaru se ndi Arik nɛ gli itanyɛmɛ ru abɛm. 24 Fena icɛr yi Musa nǝ gli ta tǝ Kristi ne shɛ nye, tǝ duŋ ta bǝ zhɔk ta anenen bǝn Arik nǝ tanyɛmɛ. 25 Azizaŋa ndi itanyɛmɛ neka nyɛ, bata na yi ne angus akɛ ŋub ne cɛr yi Musa ba.

26 Izhin bɔbɔk yi amumun abɛ Arik nɛ tanyɛmɛ bǝn Yesɔ Kristi, 27 tǝ bɔbɔk minɛ ndi nɛ su zhin ne miŋ kɛ Kristi te kuu zhin ne anklu bǝn Kristi. 28 Fe nuŋ ba yi kaaŋkaŋ nǝ min kǝ awɔnǝ Yahudawa bǝn iwaŋ ndi ba yi ŋli kɛ Yahudawa ba, igɛn kɔ ka ayi inǝ kɔb, lulum kɔ ka ayi iwa, te bɔbɔk mine izhin yi zhiin ne miŋ Yesɔ Kristi. 29 atei ndi izhin yi abɛ Kristi, fena izhin yi nga ŋli kɛ Ibrai, tena yi alɛla ne lɛ kɛ kpa nyak kɛ Arik.