1 Nao long taem ya, i gat plante man we oli stap wok slef* long Babilonia oli aot, oli kambak long Juda,* nao oli kam stap long Jerusalem,* mo long ol narafala ples long Juda. Olgeta ya oli kambak, oli go stap long ol stret vilej blong olgeta bakegen. Olgeta oli bin go stap long Babilonia, i stat long taem ya we King Nebukadnesa bifo i holem ol olfala blong olgeta, i tekem olgeta oli go stap wok slef long ples ya. 2 Ol man we oli lidim olgeta ya oli kambak, nem blong olgeta i olsem.

I gat Serubabel, mo Josua we i hae pris,* mo Nehemaea, mo Seraea, mo Rehelaea, mo Modekae, mo Bilsan, mo Mispara, mo Bigvae, mo Rehum, mo Bahanaha.

Mo ol laen* blong Isrel,* we oli aot long Babilonia oli kambak, lis blong olgeta wetem namba blong olgeta i olsem.

3 Ol laen blong Paros, i gat tu taosen wan handred seventi tu.

4 Mo ol laen blong Sefatia, i gat tri handred seventi tu.

5 Mo ol laen blong Araha, i gat seven handred seventi faef.

6 Mo ol laen blong Jesua wetem ol laen blong Joab, we tufala ya i kamaot biaen long Pahatmoab, i gat tu taosen eit handred twelef.

7 Mo ol laen blong Elam, i gat wan taosen tu handred fifti fo.

8 Mo ol laen blong Satu, i gat naen handred foti faef.

9 Mo ol laen blong Sakae, i gat seven handred sikisti.

10 Mo ol laen blong Bani, i gat sikis handred foti tu.

11 Mo ol laen blong Bebae, i gat sikis handred twanti tri.

12 Mo ol laen blong Asgad, i gat wan taosen tu handred twanti tu.

13 Mo ol laen blong Adonikam, i gat sikis handred sikisti sikis.

14 Mo ol laen blong Bigvae, i gat tu taosen fifti sikis.

15 Mo ol laen blong Adin, i gat fo handred fifti fo.

16 Mo ol laen blong Atere, we narafala nem blong hem Hesekia, i gat naenti eit.

17 Mo ol laen blong Bejae, i gat tri handred twanti tri.

18 Mo ol laen blong Jora, i gat wan handred twelef.

19 Mo ol laen blong Hasum, i gat tu handred twanti tri.

20 Mo ol laen blong Gibara, i gat naenti faef.

21 Mo i gat ol narafala tu oli kambak, we oli stap makem olgeta long vilej we ol olfala blong olgeta bifo oli stap long hem. Namba blong olgeta ya i olsem.

Ol man Betlehem, i gat wan handred twanti tri.

22 Mo ol man Netofa, i gat fifti sikis.

23 Mo ol man Anatot, i gat wan handred twanti eit.

24 Mo ol man Asmavet, i gat foti tu.

25 Mo ol man Kiriatsearim, mo ol man Kefira, mo ol man Beherot, i gat seven handred foti tri.

26 Mo ol man Rama mo ol man Geba, i gat sikis handred twanti wan.

27 Mo ol man Mikmas, i gat wan handred twanti tu.

28 Mo ol man Betel mo ol man Eae, i gat tu handred twanti tri.

29 Mo ol man Neboho, i gat fifti tu.

30 Mo ol man Magbis, i gat wan handred fifti sikis.

31 Mo ol man blong narafala Elam, i gat wan taosen tu handred fifti fo.

32 Mo ol man Harim, i gat tri handred twanti.

33 Mo ol man Lod, mo ol man Hadid, mo ol man Ono, i gat seven handred twanti faef.

34 Mo ol man Jeriko, i gat tri handred foti faef.

35 Mo ol man Senaha, i gat tri taosen sikis handred toti.

36 Mo ol pris* we oli aot long Babilonia oli kambak, lis blong olgeta wetem namba blong olgeta i olsem.

Ol laen blong Jedaea we i kamaot biaen long Jesua, i gat naen handred seventi tri.

37 Mo ol laen blong Hime, i gat wan taosen fifti tu.

38 Mo ol laen blong Pasuru, i gat wan taosen tu handred foti seven.

39 Mo ol laen blong Harim, i gat wan taosen seventin.

40 Mo ol Livaet* we oli aot long Babilonia oli kambak, lis blong olgeta wetem namba blong olgeta i olsem.

Ol laen blong Jesua, mo ol laen blong Kadmiel, we tufala ya i kamaot biaen long Hodavia, i gat seventi fo.

41 Mo i gat ol man blong mekem kwaea long haos* blong Hae God. Olgeta ya oli laen blong Asaf, mo namba blong olgeta, i gat wan handred twanti eit.

42 Mo i gat ol man blong gad long haos blong Hae God. Olgeta ya oli laen blong Salum, mo laen blong Atere, mo laen blong Talmon, mo laen blong Akub, mo laen blong Hatita, mo laen blong Sobae, mo olgeta evriwan, i gat wan handred toti naen.

43 Mo olgeta we oli kamaot biaen long ol man blong wok long haos blong Hae God bifo, we oli aot long Babilonia oli kambak, lis blong olgeta i olsem. I gat ol laen blong Jiha, mo ol laen blong Hasufa, mo ol laen blong Tabaot, 44 mo ol laen blong Keros, mo ol laen blong Siaha, mo ol laen blong Padon, 45 mo ol laen blong Lebana, mo ol laen blong Hagaba, mo ol laen blong Akub, 46 mo ol laen blong Hagab, mo ol laen blong Samlae, mo ol laen blong Hanan, 47 mo ol laen blong Gidel, mo ol laen blong Gaha, mo ol laen blong Rehaea, 48 mo ol laen blong Resin, mo ol laen blong Nekoda, mo ol laen blong Gasam, 49 mo ol laen blong Usaha, mo ol laen blong Pasea, mo ol laen blong Besae, 50 mo ol laen blong Asna, mo ol laen blong Mehunim, mo ol laen blong Nefisim, 51 mo ol laen blong Bakbuk, mo ol laen blong Hakufa, mo ol laen blong Hahuru, 52 mo ol laen blong Baslut, mo ol laen blong Mehida, mo ol laen blong Hasa, 53 mo ol laen blong Bakos, mo ol laen blong Siseraha, mo ol laen blong Tema, 54 mo ol laen blong Nejia, mo ol laen blong Hatifa.

55 Mo ol laen blong ol man blong wok blong King Solomon bifo, we oli aot long Babilonia oli kambak, lis blong olgeta i olsem. I gat ol laen blong Sotae, mo ol laen blong Hasoferet, mo ol laen blong Peruda 56 mo ol laen blong Jahala, mo ol laen blong Dakon, mo ol laen blong Gidel, 57 mo ol laen blong Sefatia, mo ol laen blong Hatil, mo ol laen blong Pokeret Hajebaem, mo ol laen blong Ami.

58 Olgeta laen blong ol man blong wok long haos blong Hae God bifo wetem ol laen blong ol man blong wok blong King Solomon bifo, namba blong olgeta ya evriwan i kasem tri handred naenti tu.

59,60 Mo i gat ol narafala laen blong Isrel oli aot long Babilonia oli kambak, we oli no savegud stret stamba blong laen blong olgeta.

Sam long olgeta ya oli laen blong Delaea, mo sam oli laen blong Tobia, mo sam oli laen blong Nekoda.

Mo taem oli stap long Babilonia, oli stap long ol vilej we nem blong olgeta, Telmela, mo Telasaha, mo Kerub, mo Adan, mo Hime.

Namba blong olgeta ya evriwan, i gat sikis handred fifti tu.

Mo i gat ol pris* tu we oli aot long Babilonia oli kambak, we oli no savegud stret stamba blong laen blong olgeta.

Sam long olgeta ya oli laen blong Habaea, mo sam oli laen blong Hakoj, mo sam oli laen blong Basilae.

61-63 ✝Nao taem ol pris ya oli traem lukaot nem blong trifala bubu ya blong olgeta long lis blong ol pris, long buk ya we nem blong ol pris bifo i stap long hem, be oli no save faenem nem blong trifala. Nao long taem ya, distrikejen ya blong king we i stap lukaot long ol man Juda, hem i wan laen blong yumi, mo hem i putumaot olgeta olsem we oli no klin long fes blong Hae God, nao oli no moa save mekem wok blong pris. Mo hem i talem long olgeta, se bambae oli no moa save kakae ol kakae ya we ol man oli stap givim i go long Hae God blong mekem wosip long hem. Bambae oli mas stap olsem gogo kasem we i gat wan pris we i save yusum tufala samting ya Yurim* mo Tumim* blong faenemaot tingting blong Hae God long olgeta.

Man ya Basilae, hem i wan man Gilead we dota blong hem i mared long wan pris, nao olgeta we oli kamaot biaen blong pris ya, oli stap makem olgeta se laen blong Basilae.

64 Olgeta we oli aot long Babilonia, oli kambak long ples blong olgeta, namba blong olgeta evriwan i kasem foti tu taosen tri handred sikisti. 65 Be oli no kaontem ol man blong wok blong olgeta, mo ol man blong mekem kwaea.

Ol man blong wok blong olgeta, ol man wetem ol woman, namba blong olgeta evriwan i kasem seven taosen tri handred toti seven. Mo ol man blong mekem kwaea, ol man wetem ol woman, namba blong olgeta evriwan i kasem tu handred.

66 Mo ol anamol blong olgeta, namba blong olgeta i olsem.

I gat seven handred toti sikis hos, mo tu handred foti faef hafkas* dongki, 67 mo fo handred toti faef kamel, mo sikis taosen seven handred twanti dongki.

68 Nao taem olgeta ya oli kamtru long Jerusalem, oli kam kasem ples ya we haos blong Hae God i stap long hem bifo, nao sam long ol hed blong ol laen blong olgeta oli tekem ol presen blong olgeta, oli givim nomo long gladhat blong olgeta, blong givhan long wok blong wokem haos ya bakegen, stret long ples ya we olfala haos ya i stap long hem bifo. 69 Olgeta oli givim plante samting olsem we oli save givim, nao namba blong olgeta samting ya we oli givim i olsem. I gat faef handred kilo gol, mo tu tan eit handred kilo silva, mo wan handred klos blong ol pris.

70 ✝Nao ol pris wetem ol Livaet, mo sam long ol narafala man ya we oli kambak, oli mekem ples blong olgeta long Jerusalem, mo long ol vilej raonabaot long taon ya. Mo ol man blong mekem kwaea wetem ol man blong wok long haos blong Hae God, mo ol gad blong haos ya oli go stap long ol taon klosap long Jerusalem.* ol man blong mekem kwaea mo ol man blong wok long haos blong Hae God, mo ol gad blong haos ya, oli go stap long ol vilej blong ol bubu blong olgeta bifo. Mo ol narafala man ya we oli kambak oli go stap long ol vilej blong ol bubu blong olgeta bifo.