Esdras 7

8,9 Olgeta ya oli aot long Babilonia long fas manis*7.8-9: Fas manis ya, yu luk tok ya Nisan long diksonari., long fas dei blong hem, mo Hae God i stap givhan gud long olgeta long rod, nao oli kamtru long Jerusalem long namba faef manis*7.8-9: Namba faef manis ya, yu luk tok ya Ab long diksonari., long fas dei blong hem. 10 Pris ya Esra i laekem tumas ol tok blong Buk blong Loa blong Hae God, nao oltaem hem i stap stadi long hem, mo i stap mekem ol samting we buk ya i talem. Mo hem i stap tijim ol laen blong Isrel long ol loa mo ol rul we i stap long buk ya.