GALESIA 6

Yufala evriwan i mas givgivhan long yufala

1 Ol brata mo sista. Sipos wan long yufala i foldaon, yufala we Spirit blong God i stap long yufala, yufala i mas givhan long hem blong stretem hem. Be yufala i mas mekem long kwaet fasin. Mo yufala tu i mas lukaot gud long yufala, blong sam samting bambae i no kam traem yufala. 2 Yufala i mas stap givgivhan long yufala long ol trabol blong yufala. Long fasin ya, bambae yufala i save mekem ol samting we loa blong Kraes* i talem.*6.2: Long las haf blong vas ya sam olfala kopi blong Niutesteman long lanwis blong ol man Gris bifo i talem olsem. Long fasin ya, yufala i mas mekem ol samting we loa blong Kraes i talem.