JONA 2

6 Mi godaon olgeta,

long stamba blong ol bigbigfala hil

aninit long solwota.

Mi harem olsem we mi go insaed

long get blong Hom* blong ol Dedman,

blong stap wetem olgeta,

we get ya i no save open bakegen samtaem.

Be yu Hae God, yu God blong mi,

mo yu tekemaot mi bakegen long ples ya,

we mi stap gud nomo.

7 Hae God.

Taem mi harem

we klosap laef blong mi i lus,

mi tingbaot yu, mi prea long yu.

Nao yu yu harem prea blong mi

we i kam kasem yu

long tabu haos blong yu.