Lucas 22

Judas i glad blong letem Jisas i go long han blong ol enemi blong hem

3 Nao Setan* i go insaed long Judas ya we narafala nem blong hem Iskariot, we i wan long ol twelef man blong Jisas. 4 Nao Judas ya i gowe long olgeta, i go toktok wetem ol jif pris* mo ol kapten blong ol soldia blong haos* blong God, blong mekem rod blong letem Jisas i go long han blong olgeta. 5 Nao olgeta ya oli glad tumas, mo oli mekem promes blong givim mane long hem. 6 Ale, Judas i agri, mo hem i stap lukaot rod blong letem Jisas i go long han blong olgeta, long taem we olgeta man oli no stap.