MATIU 24

Jisas i talemaot we bambae ol man oli brekemdaon haos blong God

1 Nao taem Jisas i goaot long haos* blong God, i stap wokbaot i go, ol man blong hem oli kam, oli talem long hem blong i luk ol haos ya long yad blong haos blong God. 2 Be Jisas i talem long olgeta se, "?Yufala i luk ol haos ya? Tru mi talem long yufala. Ol haos ya bambae ol man oli brebrekemdaon ol ston blong olgeta evriwan. Bambae i no gat wan ston i save stap long ples blong hem."