Mateus 9

Jisas i mekem wan woman we i sik i gud bakegen, mo wan smol gel we i ded i laef bakegen

18 Taem Jisas i stap talem ol samting ya yet long olgeta, wan lida blong ol laen* blong Isrel* i kam klosap, i nildaon long fes blong Jisas, i talem se, "Gel blong mi i jes ded naoia nomo. Be plis yu kam, yu putum han blong yu long hem, blong hem i save laef bakegen." 19 Nao Jisas i girap, mo hem wetem ol man blong hem oli biaen long man ya, oli go.