Pris ya Esra i ridimaot buk blong Loa blong God i go long olgeta man
1-7 Nao taem i kasem namba seven manis* blong yia ya, olgeta laen* blong Isrel* oli stap gud long ol vilej blong olgeta bakegen. Mo long fas dei8.1-7: Dei ya, hem i dei blong Lafet blong Blu long Pupu. Yu luk Levitikas 23.23-24. blong manis ya, olgeta evriwan oli kam long Jerusalem,* blong mekem bigfala miting long open ples, klosap long doa* blong bigfala stonwol ya we nem blong hem "Doa blong Wota". Long taem ya, i gat olgeta man wetem olgeta woman, mo ol pikinini we oli naf blong haremsave samting oli stap. Olgeta oli bin askem long pris* ya Esra, blong i tekem buk blong Loa* blong God i kam, i ridimaot long olgeta. Pris ya, oltaem hem i stap stadigud long Loa ya we God i bin givim long Moses bifo blong i tijim ol bubu blong olgeta long hem. Mo long eli moning, hem i karem buk ya i kam long ples ya we olgeta oli stap hivap long hem. Olgeta oli bin wokem wan stej long timba long ples ya, blong hem i stanap long hem, nao hem wetem ol man blong hem oli go stanap long hem. Olgeta we oli stanap long raet saed blong hem, i gat Matitia, mo Sema, mo Anaea, mo Uria, mo Hilkia, mo Mahasea. Mo olgeta we oli stanap long lef saed blong hem, i gat Pedaea, mo Misael, mo Malkia, mo Hasum, mo Hasbadana, mo Sekaraea, mo Mesulam.
Nao taem hem i go stanap long stej ya, olgeta evriwan oli lukluk i go long hem, mo taem hem i openem buk ya, olgeta evriwan oli stanap. Nao hem i talem se, "!Hae God i God we i hae we i hae! !Yumi presem hem!"
Mo olgeta evriwan oli leftemap han blong olgeta, oli talem se, "!Amen! !Amen!", mo oli nildaon, oli bodaon we fes blong olgeta i godaon kasem graon blong mekem wosip long Hae God. Nao oli girap, oli stanap bakegen.
Nao hem i ridimaot Loa ya i go long olgeta, i stat long eli moning, gogo kasem long medel dei, mo olgeta oli stap lesin gud long hem. Mo i gat ol Livaet* we nem blong olgeta, Jesua, mo Bani, mo Serebia, mo Jamin, mo Akub, mo Sabetae, mo Hodia, mo Mahasea, mo Kelitaha, mo Asaria, mo Josabad, mo Hanan, mo Pelaea, mo olgeta ya oli stap talemaot mining blong Loa ya i go long olgeta man. 8 Olgeta ya oli stap tanem8.8: Buk blong Loa ya, ol man oli raetem long lanwis ya Hibru. Be taem ol man Juda oli go wok slef long Babilonia, oli lego lanwis blong olgeta, oli gohed long lanwis ya Arameik we i kampani lanwis blong ol man Babilonia. Nao ol man we oli bon long ples ya oli no moa save lanwis blong ol bubu blong olgeta, taswe oli tanem tok blong Loa ya i kam long Arameik. ol tok i go long lanwis ya Arameik,* mo oli stap talemaot mining blong hem blong olgeta man oli save.8.8: Narafala rod blong tanem tok blong vas ya i olsem. Olgeta oli stap ridimaot Loa ya blong God, nao oli stap tanem i go long lanwis blong olgeta, mo oli stap talemaot mining blong ol tok ya, blong olgeta man oli save.
18 Mo i stat long fas dei blong lafet ya i go kasem las dei blong hem, evri dei, pris ya i stap ridimaot buk blong Loa ya i go long olgeta man. Lafet ya, olgeta oli wokem seven dei, mo long namba eit dei blong hem, oli mekem wosip blong klosem, olsem we buk ya i talem.