1 Nao Profet Hosea i talem se, "Yumi ya, yumi ol man Isrel* ya, mo bifo, taem yumi tok, ol laen* blong yumi long saot oli fraet, from we oli luk yumi se yumi strong moa.* ya, mo bifo, taem yumi tok, ol narafala man we oli laen blong Isrel oli fraet, from we oli luk yumi se yumi strong moa. Long taem ya, tok ya "ol laen blong Efrem ya", hem i narafala nem blong olgeta blong kantri ya Isrel long not. Yu luk tok ya ISREL, we i stap long Diksonari. Be yufala i mekem sin, from we yufala i go mekem wosip long god ya Bal,* mo from samting ya, bambae yufala i mas ded.* 2 Oltaem, taem yufala i stap wokem ol pija blong god ya long silva, blong mekem wosip long olgeta, yufala i stap mekem sin agens long Hae God. Ol pija ya, man nomo i wokem plan blong hem, mo man nomo i wokem long gudhan blong hem, nao yufala i stap talemaot se yufala i mas go mekem sakrefaes long olgeta. Ol god ya oli pija blong bul nomo. ?Bambae man i go kis long bul olsem wanem? 3 Bambae yufala i mas lus kwiktaem, olsem smok blong hil long eli moning. Bambae yufala i lus olsem wota blong naet, we taem san i stap kam antap, i lus kwiktaem nomo. Bambae yufala i olsem doti blong wit,* we win i blu long hem, i karem i go. Bambae yufala i lus olsem smok blong faea we i flae i go."

4 Nao profet i talemaot we Hae God i talem se, "Mi mi Hae God, mi God blong yufala, we bifo, mi tekem ol bubu blong yufala oli aot long Ijip oli kam. Mi nomo mi God blong yufala, i no moa gat narafala god olsem mi. Mi nao mi sevem yufala. 5 ✝Bifo taem we ol bubu blong yufala oli stap wokbaot long draeples, we i no gat wota long hem, be mi nao mi stap lukaot gud long olgeta. 6 Be taem olgeta oli kam stap long gudfala graon ya, oli gat plante kakae, mo oli stap harem gud tumas from. Nao tingting blong olgeta i go antap tumas, mo olgeta oli no moa tingbaot mi, mo fasin ya i stap yet kam kasem tede. 7 Nao from samting ya, mi mi kros tumas long yufala, mo bambae mi kam spolemgud yufala olsem we laeon i kakae man. Bambae mi stap wet blong spolem yufala, olsem anamol ya leped* we i stap haed long saed blong rod blong jam long man blong i kakae. 8 Bambae mi kros tumas long yufala, mi kam spolem yufala, olsem anamol ya bea we i kros tumas from we wan man i stilim ol pikinini blong hem, nao i holem man ya i tereterem hem. Taem mi faenem yufala, bambae mi kilim yufala wantaem nomo, olsem laeon we i faenem wan anamol, i kilim, i kakae.

9 "Ol man Isrel. Mi bambae mi kilim yufala evriwan i ded. ?Hu nao bambae i stap blong givhan long yufala? 10 ✝Yufala i stap talem se, ‘Yumi mas gat king blong yumi, mo yumi mas gat ol man blong lidim yumi.’ ?Be king ya bambae i mekem wanem? ?Mo ol lida ya bambae oli givhan long yufala olsem wanem? 11 ✝Bifo, mi mi kros long yufala, nao mi letem we yufala i gat ol king blong yufala, be naoia, from we mi kros tumas long yufala, mi tekemaot olgeta bakegen.

12 "Olgeta sin blong yufala, mi mi raetemdaon olgeta evriwan finis long wan buk. Mo buk ya i stap gud nomo, i no gat wan samting bambae i save spolem. 13 Yufala i gat janis blong kasem laef, be hed blong yufala i krangke tumas, nao yufala i no wantem. Yufala i olsem pikinini we i stap long bel blong mama blong hem, we i taem blong hem blong i bon, be hem i no save kamaot. 14 ✝Naoia, yufala i stap go long Hom* blong ol Dedman ya. Mo mi bambae mi no save blokem yufala, mi no save tekemaot yufala long paoa blong ded. !Ded! !Yu kam panisim olgeta ya! !Hom blong ol Dedman! !Yu kam spolem olgeta ya!* tekemaot yufala long paoa blong ded. !Ded! !Yu kam traem panisim olgeta ya! !Hom blong ol Dedman! !Yu kam traem spolem olgeta ya! !Mi mi no moa gat sore long olgeta nating! 15 Ol man Isrel. Nating sipos yufala i gru bigwan olsem wael gras, be mi bambae mi sanem wan win i aot long draeples i kam, we i hot we i hot, nao bambae i mekem ol wota ya we yufala i stap dring oli drae evriwan. Ol gudgudfala samting blong yufala, mi bambae mi spolem olgeta evriwan. 16 Ol man Sameria.* Bambae mi givim panis long yufala, from we oltaem yufala i stap girap agens long mi. Ol enemi blong yufala bambae oli kam kilim yufala evriwan i ded long taem blong faet. Bambae oli kam smasemgud ol pikinini blong yufala long graon, mo bambae oli holem ol woman blong yufala we oli gat bel, oli splitim bel blong olgeta blong kilim olgeta i ded."