SEKARAEA 12

Ol laen blong Isrel bambae oli krae from man ya we oli sperem hem

10 ✝ 12.10: Jon 19.37; Rev 1.7 ✝ 12.10: Mat 24.20; Rev 1.7 Nao Profet Sekaraea i talemaot we Hae God i talem se, "Bambae mi mekem ol laen blong King Deved, mo olgeta long Jerusalem* oli fulap long ol gudfala tingting. Hemia tingting ya we man i gat sore long narafala man, mo tingting we man i save prea oltaem. Olgeta ya bambae oli luk man ya we olgeta nomo oli sperem hem, mo bambae oli krae from hem, olsem man we i krae from pikinini blong hem we i wan nomo we hem i gat. Bambae oli krae we oli krae, olsem we man i krae from fasbon pikinini blong hem we i lus.