Izaga 2

Imivuzo Emihle Yokuhlakanipha

1 Ndodana yami, nxa usamukela amazwi ami

ugcine imilayo yami ngaphakathi kwakho,

2 uvule indlebe yakho izwe ukuhlakanipha

unikele inhliziyo yakho ukuthi izwisise,

3 njalo nxa ucela ukuqedisisa

ukhalela kakhulu ukuzwisisa,

4 futhi ukudingisisa njengokudinga isiliva

ukuphenye njengento eligugu efihliweyo,

5 lapho-ke uzakuzwisisa ukumesaba uThixo

njalo uluzuze ulwazi lukaNkulunkulu.

6 Ngoba uThixo uyapha ukuhlakanipha,

emlonyeni wakhe kuphuma ulwazi lokuqedisisa.