1 Ami Pọọl, abọsịd Krais Yisọs, naña asaña akekem ke ewʌhọ Abasi Andinyaaña ñnyịn, ye Krais Yisọs idodanyen ñnyịn, 2 nnọ ñwed ami esọk Timoti, a-adooho ataa ayịn mmi ke mbuọdidem. Yak mfọn, mbọm ye emem e-etooho Abasi Ete, ye Abọọñ ñnyịn Krais Yisọs eba ye afo.

3 Naña ami ñkekaaha Masidonia, mmaukpeiye mbo yak afo asọñ aba ke Efisọs, nọ afo aka iso anọ mme awo ke udo item, ate ammọ ekuukpeep ñkpọ a-adiaññake akpọñ se ñnyịn ikikpeep, 4 ñko ke ammọ ekpañ utọñ enọọ mme ñke ye ñnyan mbʌk ntịppe emana e-ekemeke idat eniin ndi, eniin i-imiiyakka utom Abasi a-adooho ke mbuọdidem aka iso. 5 Ami ntañ ami nọ ato do ammọ enie ima, a-asañake ye eti esịd ye ataa mbuọdidem. 6 Usʌk awo emaewọññọ ekpọñ ido ami ekanna ebịne ikpu-ikpu ndutañña ikọ. 7 Utọ ibon ami eyem adido mme akpeeb awo mbed ado ammọ idiọọñọke se ammọ etañ ebaña, inyʌññọ idiọọñọ se ammọ esọọñọ etañ.

8 Ñnyịn imidiọọñọ ke mbed a-afọn adieke awo anamma mbed ke eti usʌñ. 9 Ñnyịn imiinyʌñ idiọọñọ ke awo inamma mbed inọ ndinen awo, ado enam enọ mme abiad mbed ye mbon nsọñiwuod ye mbon i-imiikponoke Abasi, ye mme anam idiọọkñkpọ, mbon i-imiisanake ye mbon i-imiinamma ikọ Abasi ye mbon e-ewotto mme ete me mme eka ammọ, mme awodawo, 10 ye mme asịn efịbe, ye mme anam use, ye mbom e-enieghe ewuana ye emọ-emọ awodeen me emọ-emọ awonwaan, mme anyam ifʌn, mbon e-enwọñọke ñkpọ ke nsu ye mme anam ndiọiñkpọ mfen e-edooho ubiọọñọ enọ eti ukpeebñkpọ 11 a-asañake akekem ye eti etob a-abañake ubọọñ Abasi, a-anye akekappake annọọ miin.

12 Ami mmekọọm Krais Yisọs, Abọọñ ñnyịn, a-akennọọhọ miin ukeme, sia anye akeñkịtte miin nte awo akpanikọ anyʌñ annịm miin ate nnam utom amọ. 13 Akpesʌkado ami mmaasitañ atịme-atịme ikọ ndian anye, ñkọbọ ikọd Abasi, ñnyʌñ ndo awo ntịme, anye amantua miin mbọm, sia ami ñkenam afịd ñkpọ ado ke unana adidiọọñọ Krais ye unana adinịm ke akpanikọ. 14 Abọọñ ñnyịn amaanwañña mfọn amọ annọ miin, ndin ato ke ima amọ annọ miin mbuọdidem ato ke Krais Yisọs.

15 Ikọ ami ado ataa akpanikọ anyʌñ adot adinyịmme ke afịdesịd ite ke Krais Yisọs akedi ederimbod adinyaaña ndiọi awo, a-ami ndooho etubom ke atu ammọ. 16 Ado kpa ke ntak ami emaentua miin mbọm, nọ ato do ke idem mmi, andidiọọk ñkan ke atu mme ndiọi awo, Krais Yisọs ayaara akpọsọñ ime amọ nte uwọdñkpọ anọ awo akeedodo a-adiinịm anye ke akpanikọ, anyʌñ abọ nsi-nsi uwem. 17 Yak ukpono ye nsi-nsi ubọọñ anie nsi-nsi Adidem a-akarake ke afịd emana, i-imiidiikpaaha, a-anyen awo imiikịtte, kpa Abasi keed ke nsi-nsi nsi-nsi. Amen.

18 Timoti, ayịn mmi, ami unọ fiin ewʌhọ ami, akeene mme brọfesi eketañña ubaña fiin ini keed, nọ ato do afo umautoiyo mme ñkpọ ami, afo akan anwana eti anwan ami, 19 ke adisọọñọ mʌm mbuọdidem ye eti esịd ñkama, sia usʌk awo emaesịn mme ñkpọ ami enyʌñ eduọk mbuọdidem ammọ. 20 Haimenius ye Aleksanda esịne ke atu ibon ami, ndin ami mmeyaak ammọ nsịn Setan ke ubọk, nte atʌnọ ammọ tutu ammọ ekpeep aditre usappa anyịñ Krais.