11 Ndin enyere Abọọñ amaawuọ ada Sakaraiya ke ubọk nnasia tembịd ufọp insensi. 12 Idem amaanyeñ Sakaraiya ke ini anye akekịtte enyere ami, ndịk amaanyʌñ anam anye. 13 Ado enyere amaabo anye: "Sakaraiya, kuufeghe ndịk, sia Abasi a-akop akam mfo. Anwaan mfo Elisabed ayaaman ayịn unọ fiin, ndin afo uduukoot anye Yọọn. 14 Afo ayaakop idaara ye inemesịd, uwak awo ñko eyaedaara ke emana amọ, 15 sia anye adiido ekamba awo ke iso Abọọñ. Inaaha anye anwọñ ukọd me unwọwọñ ñkpọ mfen anaamanaam awo, ñko anye ayaayọhọ ye Adisana Sịbidịd tọọñọ ke idịb eka amọ. 16 Anye ayaanam uwak nditọ Isrel etịmme ebịne Abọọñ Abasi ammọ. 17 Ndin anye ayaaboiyo ke iso Abasi ke sịbidịd ye adudu Elaiya, nọ anye anam esịd mme ete ewọññọ ekeene nditọ ammọ, anyʌñ anam mbon ntịdutọñ ekpeep ifiọk eto mme anam unen, anyʌñ abeeñe mme awo idem anọ Abọọñ Abasi."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)