1 Idaara, ikiisat awo a-mbuọdidem amọ amemme, ndin ikiifaaña ye anye ibaña ñkpọ se isịne mfaaña. 2 Mbuọdidem awo keed akeme adiyak anye adia ñkpọ keed akeedodo, ado awo mfen a-mbuọdidem amọ amemme, adia mme ñkọñ kpọd. 3 Awo a-adiaha afịd ñkpọ inaaha ase awo mfen i-imiidiaha ntoro ke ndek, ndin awo i-imiidiaha afịd ñkpọ inaaha abiideikpe anọ awo a-adiaha, sia adooho Abasi isatta ammọ ndomokeed. 4 Afo ado anie adibiide ikpe nnọọ ayịnufọk awo mfen? Eteufọk amọ ikpọọñ akeme ibiere ikpe nnọọ anye, idooho afo. Ndin ke unwam Abasi ammọ eyaenam se ifọn, sia Abọọñ akeme inam ammọ enam se ifọn.

5 Awo keed akere ke usen keed a-asana akan usen mfen; awo mfen akere ke afịd usen ado ukem-ukem, awo keedekeed ana atʌm akere se ifọn ke esịd amọ. 6 Awo a-adatta usen keed nte akpan usen, anam ado anọ Abọọñ. Awo a-ataaha unam, ata anọ Abọọñ sia anye anọ Abasi ekọọm; ndin awo i-imiitaaha, anam anọ Abọọñ anyʌñ anọ Abasi ekọọm. 7 Sia ibaaha awo ndomokeed a-aduuho uwem anọ idem amọ ikpọọñ, inyʌññọ iba awo ndomokeed akpaaha anọ idem ñnyịn ikpọọñ. 8 Adieke ñnyịn iduuho uwem, ñnyịn idu inọ Abọọñ, ndin adieke ñnyịn ikpaaha, ñnyịn ikpa inọ Abọọñ. Ke ntoro adooho ñnyịn idu uwem anyʌññọ ado ikpaakpa, Abọọñ inie ñnyịn. 9 Akedo ke ntak ami ke Krais akekpa ndin atịmme aset ke ñkpa nọ ato do anye adido Abọọñ mme akpañkpa ye mme aduuwem.

10 Ndin, ntak a-afo akpeeghe ikpe anọọ ayịneka*) anyʌññọ awuọñọ mbon e-enịmme Krais ke akpanikọ, me awodeen me awonwaan, ke atu mbon ubon Abasi; se ñko ke Rom 14:13, 15, 21. mfo ke Krais-e? Nsoo inam afo ase ammọ ke mbio? Toiyo ke afịd ñnyịn iyaida ke ebekpo ubiideikpe Abasi. 11 E-ewet ebo:

" ‘Ke adaña nte ami nduuho uwem,’ Abọọñ atañ,

‘afịd edọñ eyaetọọñọ ennọ miin,

afịd edeme eyaetañ ikọ ntiense ebaña Abasi.’ "

12 Ke ntoro ñnyịn keedekeed iyainam ibad adinam ñnyịn inọ Abasi.

13 Ndin yak ñnyịn itre adibiom emọ-emọ ikpe. Utu ke ado, biere ke esịd mfo aditre adinịm ñkpọiduọ me ubiọọñọ ke usʌñ ayịneka mfo ke Krais. 14 Nte awo a-abaaha ke Abọọñ Yisọs, ami mmenịm ayọhọ-ayọhọ ke ndidia ndomokeed idegheke ke idem amọ. Ado adieke awo ndomokeed adatta ñkpọ ndomokeed ke ndek, ñkpọ ado ado ndek anọ anye. 15 Adieke ayịneka mfo ke Krais abaaha ke mfəhọ ke ntak ñkpọ se afo adia, afo unamma aba ke ima akpesʌk akaiso adia. Kuuyak ato ke ntak ndidia, afo aben nsobo asọk ayịneka mfo a-Krais akekpaaha anọ. 16 Ke ntoro kuuyak etañ idiọọk ikọ ebaña se afo adiọọñọ ke ado eti ñkpọ. 17 Sia abioubọọñ Abasi ikọñọke ke udia ñkpọ ye unwọn ñkpọ, ado akọñọ ke adinenido, emem ye idadesịd ke Adisana Sịbidịd, 18 sia awo akeedodo a-anamma ñkpọ anọ Krais ke usʌñ ami a-anem Abasi esịd, mme awo enyʌñ ekpono anye.

19 Yak ñnyịn ndin idomo ukeme adinam se idiidat emem idi inyʌñ inwam ke adisọọñọ emọ-emọ idem. 20 Ikiibiat ubọkutom Abasi ke ntak ndidia. Afịd ndidia asana, ado ifọnnọ awo adidia ñkpọ se idiinam awo mfen atuak ukod aduọ. 21 A-afọn awo aditre adita unam me adinwọñ mmịn me adinam ñkpọ mfen a-adiinam ayịneka amọ ke Krais akọbọ aduọ.

22 Ndin se afo anịm ke akpanikọ abaña mme ñkpọ ami yak ado ke ufọọd mfo ye Abasi. Afọfọn anọ awo i-imiibiommo idem amọ ikpe ato ke se anye anyịmme abo ke afọn. 23 Ado awo akeedodo a-anieghe eyịghe ke esịd, e-ebiom anye ikpe adieke anye adiaha, sia adidia amọ itooho mbuọdidem, ndin afịd ñkpọ se i-imiitooho mbuọdidem ado idiọọkñkpọ.