11 Ndin adieke Sịbidịd Abasi a-akenamma Yisọs aset ke ñkpa adʌññọ ye ndufo, anye a-akenamma Krais aset ke ñkpa ayaanyʌñ anọ abʌkidem ndufo uwem ato ke Sịbidịd amọ a-adʌññọ ke idem ndufo.
12 Ke ntoro, nditọeka ke Krais, ñnyịn iminie iso utom adinam, ado idooho adidu uwem naña abʌkidem ñnyịn ayem. 13 Sia ndufo ikpidu uwem ikeene udọñ abʌkidem, ndufo eyaekpañña, ado ikpidu ikeene Sịbidịd, ndufo eyaewot ndiọiñkpọ abʌkidem enyʌñ edu uwem.
14 Sia mbon a-Sịbidịd Abasi adatta usʌñ, ammọ ikpọọñ edoñño nditọ Abasi. 15 Ndufo ikibọọhọ Sịbidịd a-anamma ndufo edoñño ifʌn a-akpenamma ndufo edu uwem ke ndịk, ado ekebọ Sịbidịd nditọ amanaisọñ. Ndin ato ke anye ke ñnyịn ibọñ ikoot, "Abba,8:15 Abba ado ete ke usem Aramaik Ete." 16 Sịbidịd ke idem amọ atie ntiense ye sịbidịd ñnyịn ate ke ñnyịn ido nditọ Abasi. 17 Ndin adieke ñnyịn idooho nditọ, ñnyịn ido mme adiaakpa, adiaakpa ake Abasi ye mme ndiana adiaakpa ye Krais; sia adieke ñnyịn iwuanake ke ufen amọ ke akpanikọ, iyainyʌñ iwuana ke ubọọñ amọ ñko.