Ñnyịn Imikan mme Andikan
31 Sia ñkpọ abaaha ntom, nsoo ke ñnyịn idiitañ? Adieke Abasi abaaha ye ñnyịn, anie akeme adibiọọñọ ñnyịn? 32 Anye i-imiikibọọhọ Ayịn amọ isuuk, ado ayaak anye anọ ke ntak ñnyịn, die ndin ke anye ñko ukem ye ayịn amọ adiitre aditat ubọk inọọ ñnyịn afịd ñkpọ? 33 Anie awo adiiben mbon A-Abasi amaakemek ika ikpe? Ado Abasi ke idem amọ anọ unen utoppo ikpe. 34 Anie ndin adiibiom ñnyịn ikpe? Awo ndomokeed ibaaha. Krais Yisọs a-akekpaaha, a-akanna ado, a-akesette ke ñkpa adʌk uwem, a-anyʌññọ atie ke ubọk nnasia Abasi anam ñkpeubọk inọọ ñnyịn. 35 Anie adiidiañña ñnyịn ikpọñ ima Krais? Nte mfịna, me ukuud, me ukọbọ, me akañ, me unana afọñ, me ñkpọ ndịk, me ñkpọ afai, akeme idiañña ñnyịn ikpọñ ima Krais? 36 Nte naña ewet:
"Ke ntak mfo ñnyịn ikịt ñkpa afịd usen;
edat ñnyịn nte mme edọñ a-anaaha ewot."
37 Iyoo, ke mme afịd ñkpọ ami ñnyịn ido mme andinekke ñkan ato anye a-akimaaha ñnyịn. 38 Sia ami mmenekke nnịm mbo ke ñkpa, me uwem, me mme enyere, me mme dimọn, me idahami, me ini iso, me adudu keed akeedodo, 39 me unyọọñ, me udem, me ñkpọ ndomokeed ke afịd abod, idiikanna idiañña ñnyịn ikpọñ ima Abasi abaaha ke Krais Yisọs Abọọñ ñnyịn.