9 Ndin Boas amaabo mme ñkpisọñ ye afịd awo, "Mfịn ami ndufo emedo ntiense ke ami mmedep afịd inie Elimelek, Kiliọn ye Mahlọn nto Nọọmi. 10 Ami mmenyʌñ ndep Rud awo Mọb, ebekpa Mahlọn, nte anwaan mmi, nọ ato do ami nsʌk ñkaiso nnịm anyịñ akpañkpa ye mme inie amọ, mbaak anyịñ amọ adisop ke atu ekpək amọ me ke abio idʌñ amọ. Mfịn ndufo emedo ntiense!"
Nọọmi Anie Udod Ayịn Awodeen
13 Ndin Boas amaaben Rud anye adido anwaan amọ. Ke ini anye akenamma ima ye anye, Abọọñ amaanam anye ayommo idịb, anye amaanyʌñ aman ayịn. 14 Ibaan emaebo Nọọmi: "Itooro anie Abọọñ i-imiiyakka afo anana andifakka isọñ ke usen ami. Yak anye adiiwuọ etob ke afịd Isrel! 15 Anye ayaademme uwem mfo anyʌñ ukama fiin ke ini usọñ mfo. Sia anwaan ayịn mfo, u-umaaha fiin eti-eti a-anyʌññọ afọn ye afo akan nditọ ideen itiaba, ado andiman anye."
16 Ndin Nọọmi amaaben ayịn ado akama ke ubọk amọ anyʌñ ado adep anọ anye. 17 Mme ibaan e-ekedʌññọ do emaebo, "Nọọmi anie ayịn!" Ammọ enyʌñ esio anye anyịñ Obed. Anye akedo ete Yesi, a-akedooho ete Defid.