21 तर पनि जब म यो कुरा स्मरण गर्दछु,
तब यसैले मलाई आशा दिन्छ:
22 याहवेहको महान् प्रेमको कारण हामी भस्म भएका छैनौँ;
किनकि उहाँको कृपाको अन्त्य कहिल्यै हुँदैन।
23 हरेक बिहान ती नयाँ भएर आउँछन्;
तपाईंको विश्वसनीयता महान् छ।
24 म आफूलाई भन्दछु, "याहवेह मेरो सर्वस्व हुनुहुन्छ;
यसैकारण म उहाँको प्रतीक्षा गर्नेछु।"
25 याहवेहमा आशा राख्नेहरू
र उहाँको खोजी गर्नेहरूसँग उहाँ भलो हुनुहुन्छ;
26 याहवेहको उद्धारका निम्ति
चुपचाप प्रतीक्षा गर्नु असल कुरा हो।