Isaya 54:1,2,11-13

Em outras traduções

1. ONMM Edição Palavra Aberta: Escrituras Sagradas

   1 "Imba, ewe mwanamke tasa,

   wewe ambaye kamwe hukuzaa mtoto;

   paza sauti kwa kuimba, piga kelele kwa furaha,

   wewe ambaye kamwe hukupata uchungu;

   kwa sababu watoto wa mwanamke aliyeachwa ukiwa ni wengi

   kuliko wa mwanamke mwenye mume,"

   asema Mwenyezi Mungu.

   2 "Panua mahali pa hema lako,

   tandaza mapazia ya hema lako uyaeneze mbali,

   wala usiyazuie;

   ongeza urefu wa kamba zako,

   imarisha vigingi vyako.

   11 "Ewe mji uliyeteswa, uliyepigwa kwa dhoruba

   na usiyetulizwa,

   nitakujenga kwa almasi,

   nitaweka misingi yako

   kwa yakuti samawi.

   12 Nitafanya minara yako ya akiki,

   malango yako kwa vito ving’aavyo,

   nazo kuta zako zote za vito vya thamani.

   13 Watoto wako wote watafundishwa na Mwenyezi Mungu,

   nayo amani ya watoto wako itakuwa kuu.

2. SRUV Swahili Revised Union Version

   1 *Gal 4:27Imba, wewe uliye tasa, wewe usiyezaa; paza sauti yako kwa kuimba, piga kelele, wewe usiyekuwa na uchungu; maana watoto wake aliyeachwa ni wengi kuliko watoto wake yeye aliyeolewa, asema BWANA. 2 Panua mahali pa hema yako, na wayatandaze mapazia ya maskani yako; usiwakataze; ongeza urefu wa kamba zako; vikaze vigingi vya hema yako.

   11 *Ufu 21:18-21Ewe uliyeteswa, uliyerushwa na tufani, usiyetulizwa, tazama, nitaweka mawe yako kwa rangi nzuri, nitaweka misingi yako kwa yakuti samawi. 12 Nami nitaifanya minara yako ya akiki nyekundu, na malango yako ya almasi, na mipaka yako yote ya mawe yapendezayo. 13 *Isa 11:9;1 Kor 2:10;1 The 4:9;Flp 4:7;Yn 6:45;14:27Na watoto wako wote watafundishwa na BWANA; na amani ya watoto wako itakuwa nyingi.