26 Na saa Selɛ ne soa Arɛlekyekyevolɛ ne mɔɔ tɛ yemɔ a le me, mekile Sunsum Nwuanzanwuanza ne mɔɔ barali me gyakɛ anu la a, ɔbahilehile bɛ ninyɛne dɔɔnwo, na eza noko yeahakyehakye bɛ wɔ mɔɔ medame meha mehile bɛ la anwo.

27 "Anzondwolɛ a mefa meagyakyi bɛ a; medame me anzondwolɛ a mefa meamaa bɛ a; tɛ anzondwolɛ ne mɔɔ ewiade fa maa la a mefa meamaa bɛ a. Bɛmmamaa bɛ ahonle tu, eza noko mmamaa bɛsulo.