1 Jehova Nyasaye ema ageno kuome.

Koro ere kaka duwachna ni:

"Ringi ka winyo nyaka ewi got mari.

2 Nikech joma timbegi richo osechako ywayo atungegi;

gisechano asernigi e tonde mag atungʼ,

mondo gichielgo

joma jo-adiera e chunygi.

3 Ka mise iketho,

to en angʼo ma joma kare ditim?"

4 Jehova Nyasaye ni e hekalu mare maler;

Jehova Nyasaye ni e kom duongʼ mare manie polo.

Orango timbe yawuot ji;

wengene nonogi matut.

5 Jehova Nyasaye nono joma kare,

to joma timbegi richo kod joma ohero mahundu,

to chunye ochayo.

6 Obiro chwero

mach maliel mager kod salfa kuom joma timbegi richo;

yamo maliet ha matwoyo gik moko, biro kudhogi.

7 Nikech Jehova Nyasaye en Ngʼama Kare,

kendo ohero adiera;

joma timbegi oriere biro neno wangʼe.