1 Ret piyo mondo iresa, yaye Nyasaye;

bi piyo mondo ikonya, yaye Jehova Nyasaye.

2 Mad joma dwaro ngimana

yud wichkuot kendo pachgi lal;

mad ji duto ma gombona hinyruok

dog kuma giaye ka giyudo achaya.

3 Mad joma wachona niya, "Haa! Haa!"

Dog kuma giaye ka wichkuot omakogi.

4 To mad ji duto madwari

bed moil kendo mamor kuomi;

mad joma ohero warruok mari osik kawacho niya,

"Jehova Nyasaye mondo oyud duongʼ!"

5 Adhier kendo achando;

bi ira piyo, yaye Nyasaye.

In e konyruokna kendo jaresna;

kik ideki, yaye Jehova Nyasaye.