1 Ngʼat modak ei kar pondo mar Nyasaye Man Malo Moloyo

biro yudo yweyo e bwo tipo mar Jehova Nyasaye Maratego.

2 Ngʼat ma kamano nyalo wacho kuom Jehova Nyasaye niya,

"En e kar pondona kendo en e ohingana,

en e Nyasacha ma ageno kuome."

3 Jehova Nyasaye biro resi adier kuom gik mochikigo

mondo ohinyi kendo kuom tuoche maricho maneko.

4 Obiro umi gi bwombene,

kendo ibiro yudo konyruok e bwo bwombene;

adierane biro bedoni ka okumba kendo ka siro.