Kutoka 4:1-5

Em outras traduções

1. SRUV Swahili Revised Union Version

   1 Musa akajibu akasema, Lakini, tazama, hawataniamini, wala hawataisikia sauti yangu; maana watasema, BWANA hakukutokea. 2 BWANA akamwambia, Ni nini hiyo uliyo nayo mkononi mwako? Akasema, Ni fimbo. 3 Akamwambia, Itupe chini; akaitupa chini, nayo ikawa nyoka; Musa akakimbia kutoka mbele yake. 4 BWANA akamwambia Musa, Nyosha mkono wako, kamshike mkia; (akaunyosha mkono wake akamshika, naye akageuka kuwa fimbo mkononi mwake;) 5 *Kut 19:9ili kwamba wapate kusadiki ya kwamba BWANA, Mungu wa Abrahamu, Mungu wa Isaka, Mungu wa Yakobo, amekutokea.

2. ONEN Versão Contemporânea Aberta em Suaíli

   1 Mose akamjibu, "Itakuwaje kama hawataniamini au kunisikiliza, waseme, ‘Bwana hakukutokea’?"

   2 Ndipo Bwana akamwambia, "Ni nini hicho kilicho mkononi mwako?"

   Akajibu, "Fimbo."

   3 Bwana akasema, "Itupe chini."

   Mose akaitupa chini hiyo fimbo nayo ikawa nyoka, naye akaikimbia. 4 Kisha Bwana akamwambia, "Nyoosha mkono wako umkamate mkiani." Basi Mose akanyoosha mkono akamkamata yule nyoka, naye akabadilika tena kuwa fimbo mkononi mwake. 5 Bwana akasema, "Hivi ndivyo Waisraeli watakavyoamini kuwa Bwana, Mungu wa baba zao, Mungu wa Abrahamu, Mungu wa Isaki, na Mungu wa Yakobo, amekutokea wewe."