6 भेड़िया ह मेढ़ा-पीला के संग रहिही,
अऊ चीतवा ह छेरी संग बईठही,
बछवा अऊ सेर अऊ पसु के पीला एक संग रहिहीं;
अऊ एक छोटे लड़का ह ओमन के अगुवई करही।
7 गाय अऊ भालू एके संग चरहीं,
ओमन के पीलामन एक संग बईठहीं,
अऊ सिंह ह बईला सहीं भूंसा खाही।
8 दूध पीयत लइका ह नाग सांप के बिल मेर खेलही,
अऊ छोटे लइका ह करैत के बिल म हांथ डालही।
9 मोर जम्मो पबितर पहाड़ ऊपर
न तो ओमन चोट पहुंचाहीं अऊ न ही नास करहीं,
काबरकि धरती ह यहोवा के गियान ले अइसन भर जाही
जइसन पानी समुंदर म भरे रहिथे।