यसायाह 31

ओमन ऊपर हाय, जऊन मन मिसर ऊपर भरोसा रखथें

1 ओमन ऊपर हाय, जेमन मदद पाय बर खाल्हे मिसर देस म जाथें,

जेमन घोड़ामन के आसरा करथें,

जेमन अपन भारी संखिया के रथमन ऊपर भरोसा रखथें

अऊ अपन घुड़सवारमन के बड़े ताकत ऊपर भरोसा करथें,

पर इसरायल के पबितर परमेसर कोति नइं देखंय,

अऊ न ही यहोवा ले मदद मांगंय।

2 पर ओह घलो बुद्धिमान अय अऊ बिपत्ति ला सकथे;

ओह अपन बचन ला वापिस नइं लेवय।

ओह ओ दुस्ट जाति के बिरूध ठाढ़ होही,

ओह ओमन के बिरूध ठाढ़ होही, जेमन कुकरमीमन के मदद करथें।