इसरायल के सिरिप एक उद्धारकर्ता
1 हे याकूब, जऊन ह तोला बनाईस,
हे इसरायल, जऊन ह तोला रचिस,
अब ओ यहोवा ह ये कहत हे:
"झन डर, काबरकि मेंह तोला छोंड़ाय हंव;
मेंह तोला नांव लेके बलाय हंव, तेंह मोरेच अस।
2 जब तेंह पानी म ले होके जाबे,
त मेंह तोर संगे-संग रहिहूं;
अऊ जब तेंह नदीमन ले होके जाबे,
तब ओमन तोला नइं बुड़ो सकंय।
जब तेंह आगी म रेंगबे,
तब तोला आंच नइं लगय;
अऊ ओकर जुवाला ह तोला नइं जला सकय।
18 "पहिली के चीजमन ला सुरता झन करव;
भूतकाल म झन जीयव।
19 देखव, में एक नवां चीज करत हंव!
येह परगट होवत हे; का तुमन येला नइं समझत हव?
मेंह सुनसान जगह म एक रसता
अऊ निरजल देस म सोतामन ला बनात हंव।