1 यहोवा ह अपन अभिसिक्त, कुसरू ला ये कहत हे,
ओकर जेवनी हांथ ला मेंह थामे रहिथंव
कि ओकर सामने ही जाति-जाति के मनखे ला ओकर अधीन कर देवंव
अऊ राजामन ला बिगर हथियार के कर दंव,
ओकर सामने म ही कपाटमन ला अइसन खोल देवंव
कि ओ दुवारमन बंद झन हो सकंय:
2 मेंह तोर आघू-आघू जाहूं
अऊ पहाड़मन ला समतल कर दूहूं;
मेंह कांसा के दुवारमन ला टोर दूहूं
अऊ लोहा के बेड़ीमन ला काट दूहूं।
3 मेंह तोला छुपे खजाना दूहूं,
अऊ गुपत जगह म रखे धन दूहूं,
ताकि तेंह जान सकस कि मेंह यहोवा,
इसरायल के परमेसर अंव, जऊन ह तोला नांव लेके बलाथे।