सियोन के भविस्य के महिमा
1 यहोवा ह कहिथे, "हे ठड़गी माईलोगन, गीत गा,
तें, जऊन ह कभू लइका नइं जनमाय;
तोला लइका जनमे के पीरा कभू नइं होईस,
जोर से गीत गा अऊ आनंद के मारे चिचिया;
काबरकि तियागे माईलोगन के लइकामन
बिहाता माईलोगन के लइकामन ले जादा हवंय,"
यहोवा ह कहत हे।
2 "अपन तम्बू के जगह ला चाकर कर,
अऊ तम्बू के परदा ला चौड़ा कर,
अपन हांथ ला झन रोक;
अपन डोरीमन ला लम्बा कर,
अऊ खूंटीमन ला मजबूत कर।
11 "हे दुखियारी सहर, तें जऊन ह आंधी ले सताय गय अऊ जऊन ला सांति नइं मिलिस,
में तोला बहुंत कीमती पथरामन ले फेर बनाहूं,
अऊ तोर नीवमन ला नीलमनि ले बनाहूं।
12 में तोर दीवारमन के कलस ला मूंगा ले,
तोर दुवारमन ला चमकत मनि ले
अऊ तोर जम्मो दीवारमन ला कीमती पथरामन ले बनाहूं।
13 तोर जम्मो लइकामन यहोवा के दुवारा सिखोय जाहीं,
अऊ ओमन ला बड़े सांति मिलही।