यसायाह 56:3-5

3 जऊन परदेसी ह यहोवा ले जुड़े हवय, ओह ये झन कहय,

"यहोवा ह मोला अपन मनखेमन ले जरूर अलग कर दीही।"

अऊ कोनो कोचिया*56:3 या हिजड़ा ये सिकायत झन करय,

"मेंह तो सिरिप एक सूखा रूख अंव।"

4 काबरकि यहोवा ह ये कहत हे:

"ओ कोचियामन, जेमन मोर बिसराम दिन ला मानथें,

जेमन ओ चीज ला चुनथें, जऊन ह मोला बने लगथे

अऊ मोर करार म मजबूती से बने रहिथें—

5 ओमन ला में अपन मंदिर अऊ येकर भीथीमन के भीतर

एक स्मारक अऊ एक नांव दूहूं

जऊन ह बेटा अऊ बेटीमन ले कहीं उत्तम होही;

मेंह ओमन ला सदाकाल के एक नांव दूहूं

जऊन ह हमेसा बने रहिही।