दानिएल 1

17 परमेशरै दैनी दानिएल, हनानी, मिशेल अर अजर्याह लै खास्सी समझ़-बुध अर तिन्‍नैं शिखल़ी कई बोली-भाषा पहल़णीं लिखणी। एता का लाऊआ दैनअ दानिएला लै इहअ बरदान कि सह सका त धैनै-सुपनैओ फल बी खोज़ी।✝1:17 याक. 1:5,17

18 राज़ै नबूकदनेसरै त हुकम किअ द कि ज़ांऊं चिई साला तैणीं तिंयां सोभै गल्‍ला शिखल़ी मुक्‍के, तेखअ करै तिन्‍नां तेऊ सेटा पेश। ज़ांऊं चअन साला बिति, अशपनाज़ बज़ीरै निंयैं तिंयां नबूकदनेसर राज़ै सेटा। 19 राज़ै किई तिन्‍नां सोभी संघै गल्‍ला अर तेऊ गम्मै दानिएल, हनानी, मिशेल अर अजर्याह कि तिंयां तै होरी सोभी ज़ुआन शोहरू का हर गल्‍ला लै बधिया। तेखअ बणाऐं तिंयां च़ार ज़ण्हैं राज़ेए च़ाकरी करनै आल़ै।